پی آئی اے 5ورھے لگاتار خسارے دے بعد منافع وچ آ گئی
اسلام آباد: قومی ایئر لائن پی آئی اے نے پنج ورھیاں دے مسلسل خسارہ دے بعد 2019ء وچ 7ارب روپے توں ودھ منافع کمایا۔ 2018 وچ پی آئی اے 19ارب80 کروڑ روپے دے نقصان وچ سی،2017وچ پی آئی اے دا خسارہ17 ارب جد کہ 2016 وچ 14ارب توں ودھ سی، پچھلے ورھے پی آئی اے دے ریونیو وچ 42 اعشاریہ 5فیصد وادھا ہویا جہڑا 2019وچ147ارب روپے تک جا اپڑیا،2018 وچ پی آئی اے دا ریونیو 103ارب جد کہ2017وچ 90ارب روپے سی۔2018وچ پی آئی اے دا آپریٹنگ نقصان 32ارب روپے سی جد کہ 2019وچ آپریشنل نقصان7اعشاریہ 7ارب روپے رہیا ،پچھلے ورھے دے مقابلے وچ پی آئی اے دے آپریشنل نقصان وچ 75فیصد بہتری آئی تے سیٹ فیکٹر وچ 4 فیصد وادھا ہویا۔ 2018 وچ پی آئی اے دے فیول اینڈ آئل اخراجات 43 ارب روپے سن جہڑے 2019 وچ ودھ کے 50ارب تک جااپڑے، 2016 وچ پی آئی اے دا فیول اینڈ آئل اخراجات صرف 27 ارب روپے سی ، جہازاں دی دستیابی تے چنگی مینٹینینس، روٹ تے کارگو سہولتاں وچ بہتری دی وجہ توں وی نیشنل فلیگ کیریئر دی کارکردگی وچ بہتری آئی ۔





















