بین المسالک ہم آہنگی دے فروغ لئی 20نکاتی متفقہ ضابطہ اخلاق تیار

اسلام آباد: دیس وچ بین المسالک ہم آہنگی دے فروغ لئی 20نکاتی متفقہ ضابطہ اخلاق طے پایا اے جہدے تے سارے مسالک دے جید علماء دے دستخط نیں۔ وزیر مذہبی امور پیر نور الحق دی زیر صدارت وکھو وکھ مکتبہ فکر نال تعلق رکھن والے علمائے کرام دا اجلاس ہویا جہدے وچ چیئرمین اسلامی نظریاتی کونسل قبلہ ایاز، مفتی تقی عثمانی، مفتی منیب الرحمان، پروفیسر ساجد میر، مولانا محمد حنیف جالندھری ، ڈاکٹرراغب نعیمی، علامہ عارف واحدی، سید افتخار حسین نقوی، سید ضیا اللہ شاہ بخاری، مولانا عبدالمالک، پیر نقیب الرحمان، ڈاکٹر معصوم یاسین زئی تے راجہ ناصر عباس سنے دوجے علمائے کرام نے رلت کیتی۔

اجلاس وچ پیغام پاکستان دے تحت دیس وچ بین المسالک ہم آہنگی دے فروغ لئی 20نکاتی متفقہ ضابطہ اخلاق تیار کیتا گیا جہدے تے سارے مسالک دے علماء دے دستخط نیں۔ ضابطہ اخلاق دے نکات وچ مساوات، سماجی تے سیاسی حقوق، اظہار خیال، عقیدہ، عبادات تے اجتماع دی آزادی شامل اے۔

اپنا تبصرہ گھلو