وزیراعظم دفتر تے ایوان صدر نوں 33بلٹ پروف گڈیاں استعمال کرن دی اجازت

وزیراعظم عمران خان دی زیر صدارت وفاقی کابینہ دا اجلاس ہویا جہدے وچ وزیراعظم دفتر تے ایوان صدر نوں 33بلٹ پروف گڈیاں استعمال کرن دی اجازت دین دا فیصلہ کیتا گیا۔ اجلاس وچ وزیراعظم عمران خان نے ہدایت کیتی پاکستان انٹرنیشنل ایئر لائنز (پی آئی اے) دی تشکیل نو کیتی جائے، پی آئی اے بہتری ول گامزن اے۔ وفاقی کابینہ نوں بریفنگ دتی گئی کہ 2019وچ پی آئی اے نے 7اعشاریہ 8ارب روپے منافع کمایا، پچھلے ورھے دے مقابلے پی آئی اے دے آپریشنل نقصان وچ 75فیصد بہتری آئی اے۔ ایس موقع تے وزیراعظم عمران خان نے پی آئی اے دے چیف ایگزیکٹو آفیسر دی تعریف وی کیتی۔ وفاقی کابینہ دے اجلاس وچ چینی دی قیمتاں ودھان والیاں دے خلاف کریک ڈاؤن دا فیصلہ وی کیتا گیا، کریک ڈاؤن فعال انداز وچ ہووے گا، ذخیرہ اندوزاں تے ہتھ پایا جائے گا۔ کابینہ نوں اسد عمر نے بریفنگ دتی کہ چینی تے آٹا سنے کجھ شیواں مہنگی ہوئیاں نیں، کنک درآمد کرن نال آٹا سستا ہو جائے گا، کجھ مطلوبہ کنک اپڑ چکی اے باقی جلد اپڑ رہی اے۔