پُچھنا چاہندا واں کہ وطن نال محبت کرن دا سر ٹیفکیٹ کیتھوں ملدا اے ؟ شاہد خاقان عباسی

اسلام آباد ( بھلیکھا ٹی وی ) شاہد خاقان عباسی نے آکھیا کہ حکومت غداری دے سرٹیفکیٹ تے ونڈ رہی اے لیکن میں پچھنا چاہندا واں کہ وطن نال محبت کرن دا سرٹیفکیٹ کیتھوں ملدا اے ، وزیراں نوں چلینج اے کہ آو تے غداراں نوں پھڑو۔سردیاں نوں گندم ہوئے گی تے نہ ہی گیس ملے گی ۔پاکستان مسلم لیگ نون دے رہنما شاہد خاقان عباسی نے میڈیا نال گل بات کر دیاں آکھیا کہ وزیر اعظم نوں پتہ سی کہ چینی110روپے کلو وک رہی اے ، اوہناں نوں پتہ ہی نہیں کہ بے روز گاری ودھ دی جا رہی اے ، وزیر اعظم عمران خان نوں ایس گل دا علم نہیں شاید کہ سی پیک وی بند ہو جانا اے ۔ اوہناں نے آکھیا کہ آزاد کشمیر دے وزیر اعظم دے خلاف مقدمہ درج کر دتا ۔ غداری دے مقدمے ملک دی بدقسمتی نہیں تے ہور کیہ اے ، ؟ اج پورا ملک رو رہیا اے۔ بھارت تے مودی ہنس رہے نیں ۔