سکولاں وچ موسم سرما دی چھٹیاں شیڈول دے مطابق ای ہون گیاں: ذرائع

لہور: وسیلیاں دے مطابق محکمہ سکول ایجوکیشن ولوں موسم سرما دی چھٹیاں شیڈول دے مطابق 24توں 31دسمبر تک ہون گیاں، اجے تک چھٹیاں وچ کوئی تبدیلی نہیں کیتی گئی اے۔

خیال رہوے پچھلے ورھے وی پنجاب بھر دے نجی تے سرکاری تعلیمی اداریاں وچ 24دسمبر توں 31دسمبر تک موسم سرما دی چھٹیاں کیتیاں گئیاں سن پر سرد موسم تے شدید دھند دی وجہ توں ایہنوں 15جنوری تک ودھان دا اعلان کر دتا گیا سی۔

پچھلے ورھے صوبائی حکومت ولوں جاری اعلامیہ دے مطابق موسم سرما دی چھٹیاں وچ وادھے دا فیصلہ موسمی حالات دے پیش نظر کیتا گیا سی۔ اعلامیہ وچ دسیا گیا سی کہ تعلیمی اداریاں وچ موسم سرما دی چھٹیاں شدید دھند تے سردی دی وجہ توں 6جنوری توں 15جنوری تک ودھائی جا رہیاں نیں۔

چھٹیاں وچ وادھے دا نوٹیفکیشن سیکرٹری سکول ایجوکیشن ولوں جاری کیتا گیا۔