پاک فوج دا آرمینیا نال تنازع تے آذربائیجان دے موقف دی مکمل حمایت دا اعلان
چیئرمین جوائنٹ چیفس آف سٹاک کمیٹی جنرل ندیم رضا نے آذربائیجان دے سفیر علی علی زادہ نال ملاقات وچ نگورنو کاراباخ دے تنازع تے آذربائیجان دے موقف دی مکمل حمایت دا اعلان کیتا اے۔ پاک فوج دے شعبہ تعلقات عامہ (آئی ایس پی آر) دے مطابق چیئرمین جوائنٹ چیفس آف سٹاف کمیٹی جنرل ندیم رضا نال پاکستان وچ آذربائیجان دے سفیر علی علی زادہ نے جوائنٹ سٹاف ہیڈ کوارٹرز راولپنڈی وچ ملاقات کیتی۔ ملاقات وچ باہمی امور تے خطے دی صورتحال تے تبادلہ خیال کیتا گیا۔
ملاقات وچ چیئرمین جوائنٹ چیفس آف سٹاف کمیٹی دا کہنا سی پاکستان دی مسلح افواج نگورنو کاراباخ دے تنازع تے آذڑبائیجان دے موقف دی مکمل حمایت کردی اے تے ایس مسئلے دا حل اقوام متحدہ دی قرارداداں دے مطابق چاہندی اے۔دوجے پاسے پاکستان وچ تعینات آذربائیجان دے سفیر علی علی زادہ نے آذری موقف دی حمایت کرن تے پاکستانی افوا ج نال اظہار تشکر کیتا۔ اپنی ٹوئٹ وچ اوہناں آکھیا آذربائیجان دے موقف دی حمایت تے پاک فوج دے شکر گزار آں۔
