وزیر اعظم دا مہنگائی دے خلاف ایکشن پلان تیار : قیمتاں گھٹ کرن لئی کل اہم اعلان کرن گے
اسلام آباد (بھلیکھا ٹی وی ) وزیر اعظم عمران خان دا ودھدی ہوئی مہنگائی نوں گھٹ کرن لئی ایکشن پلان تیار۔ کل قیمتاں گھٹ کرن لئی اہم فیصلہ کرن گے ۔ ٹائیگر فورس نوں ذخیرہ اندوزاں دی نشاہدہی دا ٹاسک دتے جان دا امکان۔ٹائیگر فورس نوں وڈا کنونشن بلان دی ہدایت کر دتی ۔وزیر اعظم نے مہنگائی نوں گھٹ کرن لئی حکومتی اداریاں تے ریاستی وسائلاں نوں استعمال کرن دا فیصلہ کر لیا ۔ وزیر اعظم دے معاون خصوصی یوتھ افیئرز عثمان ڈار نال مشورے توں بعد وزیر اعظم نے ٹائیگر فورس دا وڈا کنونشن بلان دی ہدایت کیتی اے ۔
کنونشن اگلے ہفتے اسلام آباد وچ ہوئے گا ، جس وچ ٹائیگر فورس دے جوان رلت کرن گے ۔ وزیر اعظم نے نوجواناں نوں حکومتی ایکشن پلان اُتے رہنمائی تے ٹاسک فراہم کرن گے ۔ وزیر اعظم توں گائیڈ لائن ملدے ہی عثمان ڈار کنونشن دی تیاری شروع کر دتی ۔
Load/Hide Comments





















