فواد چودھری تے عثمان بزدار دی ملاقات، گلے شکوے دور
لہور: شکوے دور ہون دے بعد فواد چودھری دا وزیراعلیٰ پنجاب دے نال رل کے چلن دا اعلان کیتا اے۔ ذرائع ایوان وزیراعلیٰ پنجاب دے مطابق فواد چودھری تے عثمان بزدار دی لہور وچ ملاقات ہوئی، دوواں رہنماواں وچکار ہون والی ملاقات وچ اک دوجے نال تحفظات دور ہوئے تے گلے شکوے وی ختم ہو گئے جہدے بعد دوواں رہنماواں نے رل کے چلن دا اعلان کیتا۔
وسیلیاں دے مطابق وزیراعلیٰ پنجاب عثمان بزدار نے فواد چودھری نوں جہلم لئی جلد ترقیاتی پیکیج دا یقین دوایا تے آکھیا فواد چودھری ساڈے بھرا نیں جے شکوہ اے تے دور کراں گے تے اوہناں دی قومی مفاد وچ تجاویز توں وی استفادہ کیتا جائے گا۔
ذرائع دا کہنا اے جہلم وچ ترقیاتی پیکیج دا اعلان اک پریس کانفرنس وچ کیتا جائے گا جد کہ فواد چودھری دا کہنا سی اسیں رل کے چلاں گے تے ساڈا ہدف عوام دی خدمت تے اوہناں دے مسئلے حل کرنا اے۔
Load/Hide Comments





















