بدعنوانی روکن لئی نیب دے عزم دا ساتھ دینا ہووے گا: گورنر خیبر پختونخوا
پشاور: گورنر خیبر پختونخوا شاہ فرمان آکھیا اے دولت نوں اپنی شناخت بنانا ترک کر دین تے بدعنوانی ختم ہو جاوے گی۔ لوکاں نوں ایہ یقین ہونا چاہید اے کہ عوام دا پیسہ عوام تے ای خرچ ہووے گا۔
گورنر ہاؤس پشاور وچ انسداد بدعنوانی دے عالمی دیہاڑ دی تقریب نال خطاب کردیاں گورنر خیبر پختونخوا شاہ فرمان آکھیا جے لٹی ہوئی رقم واپس ہوندی اے تے اوہ رقم عوام دے روزگار، صحت تے تعلیم تے خرچ ہووے تے عوام انسداد بدعنوانی مہم دا بھرپور ساتھ دین گے۔
اوہناں دا کہنا سی پاکستان دا شمار اوہناں پنج ملکاں وچ ہوندا اے جتھوں دے لوک اپنی استعداد دے مطابق سب توں ودھ خیرات دیندے نیں جد کہ باقی چار ملکاں دے عوام نہ صرف خیرات دیندے نیں سگوں ایسے حساب نال سب توں ودھ ٹیکس وی دیندے نیں۔
گورنر شاہ فرمان آکھیا ساڈے ملک دے عوام نوں جے یقین ہو جاوے کہ ٹیکس دے پیسے وی ایہناں تے خرچ ہوندے نیں تے اوہ ٹیکس دینا شروع کر دین۔ حکمراناں نوں اپنی طرز زندگی بدلنا ہووے گی تے ایہناں نوں اپنی طرز زندگی توں ثابت کرنا ہووے گا کہ دولت ایہناں دی شناخت نہیں اے۔
