ملک بھر وچ چینی، دالاں دی قیمت آسمان نوں چھون لگی، عوام رون تے مجبور

اسلام آباد( بھلیکھا ٹی وی)ملک وچ جاری مہنگائی دی نویں لہر نے عوام لئی دو وقت دی روٹی کمانا وی مشکل بنا دتا، آٹا، چینی، دالاں تے سبزیاں دی قیمت آسمان نوں چھون لگی ۔ عوام رون اُتے مجبور ہوگئے۔
حکومت نے مہنگائی اُتے قابو پان لئی کوششں شروع کیتی تے کراچی وچ شیواں دی قمیتاں گھٹ ہون دی بجائے ہور ودھن لگ پیاں ۔ مہنگائی دی نویں لہر آن اُتے عوام چلا اٹھی ۔ دکانداراں دا کہنا اے کہ 2019 دی پرائز لسٹ اُتے زبرستی عملدرآمد کرانا سمجھ توں باہر اے ، اینج دے حالات وچ کاروبار چلانا تقریبا ناممکن ہوچکیا اے ۔اک دن دے دوران بھنڈی فی کلو40روپے ودھن توں بعد 160روپے کلو، توری 20روپے ودھن توں بعد 140روپے کلو، ٹماٹر 20روپے ودھن توں بعد 160روپے کلو، آلو 10روپے ودھن توں بعد70سے 80روپے کلو، مرغی کا گوشت 10روپے ودھن توں بعد 320توں330روپے کلو وک رہیا اے ۔