8 ارب روپے دی مشکوک ٹرانزیکشن دا کیس، آصف زرداری دے وارنٹ گرفتاری جاری

اسلام آباد( بھلیکھا ٹی وی )سابق صدر آصف زرداری دی مشکل ہور ودھ گئی، قومی احتساب بیورو نے جعلی اکاونٹ کیس وچ8ارب روپے دی مشکوک ٹرانزیکشن دے بارے ضمنی ریفرنس وچ آصف زرداری دے وارنٹ گرفتاری جاری کر دتے۔اسلام آباد توں جاری اعلامیے دے مطابق چیئرمین نیب نے آصف زرداری دے وارنٹ گرفتاری اُتے دستخط کر دتے۔ نیب دا موقف اے کہ آصف زرداری ارباں روپے دی مشکوک ٹرانزیکشن دے کیس وچ مطلوب نیں، سابق صدر نے8ارب روپے دی مشکوک ٹرانزیکشن دے ذریعے ذاتی گھر خریدیا، نیب ولوںاسلام آباد ہائی کورٹ دے سابق صدر دی ضمانت مسترد کرن دی استدعا کیتی جائے گی۔جسٹس عامر فاروق دی سربراہی وچ عدالت عالیہ دا دو رکنی بنچ اج 8ارب روپے دی مشکوک ٹرانزیکشن کیس وچ آصف زرداری دی درخواست ضمانت اُتے سماعت کرے گا۔ عدالت نے آصف زرداری نوں اج تک عبوری ضمانت دے رکھی اے۔ عدالت نے آصف زرداری دے وکیل تے نیب دے دلائل طلب کر رکھے نیں