وزیر تجارت میاں اسلم اقبال تے وزیر زراعت حسین جہانیاں نوں کورونا ہو گیا

لہور( بھلیکھا ٹی وی )دو حکومتی بندے وی کورونا وائرس دا شکار ہوگیے ، وزیر صنعت تے تجارت میاں اسلم اقبال تے وزیر زراعت حسین جہانیاں گردیزی دا کورونا ٹیسٹ مثبت آگیا، دوناں وزیراں نے اپنے آپ نوں آئیسولیٹ کرلیا۔وزیر صنعت تے تجارت میاں اسلم اقبال دی پچھلے شام طبیعت ناساز ہوئی، اوہناں نوں گلے دی خرابی تے بخار محسوس ہون اُتے کورونا ٹیسٹ کروایا، جو مثبت آگیا، جس اُتے میاں اسلم اقبال نے اپنے آپ نوں گھر وچ قرنطینہ کرلیا۔وزیر زراعت پنجاب حسین جہانیاں گردیزی نے وی طبیعت دی ناسازی اُتے کورونا ٹیسٹ کروایا جومثبت آگیا۔ سید حسین جہانیاں گردیزی کورونا ٹیسٹ پازیٹو آن توں بعد آئیسولیشن وچ نیں۔ وزیر زراعت نے کورونا توں صحتیابی تک ساریاں عوامی سرگرمیاں منسوخ کر دتیاں۔