پشاور ہائیکورٹ دا دیس وچ ودھدی مہنگائی تے شدید برہمی دا اظہار

پشاور: ہائی کورٹ دے جسٹس قیصر رشید نے اک کیس دی سماعت دے دوران ریمارکس دتے نیں عوام نوں دو ویلے دی روٹی میسر نہیں تے وزراء سب چنگا اے دی رپورٹ دے رہے نیں۔ پشاور ہائی کورٹ وچ آٹے دی قیمتاں وچ وادھے بارے عرضی تے سماعت ہوئی، سیکرٹری خوراک خیبر پختونخوا، ڈپٹی کمشنر پشاور تے دوجے سرکاری افسران عدالت وچ پیش ہوئے۔ دوران سماعت جسٹس قیصر رشید نے ریمارکس دتے مارکیٹ وچ آٹا 75روپے کلو تے ٹماٹر 200روپے فی کلو مل رہیا اے، مہنگائی دی وجہ توں لوکاں دے چولہے ٹھنڈے پے گئے نیں۔

جسٹس قیصر رشید نے ریمارکس دتے وزیر اک پودا لاندا اے تے اخباراں وچ وڈے وڈے اشتہار لگ جاندے نیں۔ وزیراں دے اشتہارات ہوندے نیں پر اخبار وچ ایہ اشتہار نہیں دینے کہ کتھوں کتھوں سستا آٹا مل رہیا اے، سانوں ایہدے توں کوئی غرض نہیں کہ کہڑا افسر کتھے اے، سانوں غرض صرف ایہدے توں اے کہ عوام نوں سستی چیزاں ملن، اگلی سماعت تے سانوں رپورٹ پیش کرو، رپورٹ پیش نہ کیتی تے وزیراعلیٰ تے صوبائی وزیر خوراک نوں طلب کراں گے۔