نوازشریف دی گرفتاری لئی برطانوی اخباراں وچ وی اشتہار دین دا فیصلہ

اسلام آباد: وفاقی حکومت نے دو برطانوی اخباراں وچ وی اشتہار جاری کران لئی عدالت نال رجوع کر لیا۔ العزیزیہ تے ایون فیلڈ ریفرنس کیساں وچ وفاقی حکومت نے لندن دے ڈیلی ٹیلی گراف تے ڈیلی گارجین وچ نوازشریف دے اشتہار جاری کرن دا فیصلہ کر لیا اے۔ درخواست اسسٹنٹ اٹارنی جنرل ولوں اسلام آباد ہائی کورٹ وچ دائر کیتی گئی۔

درخواست وچ استدعا کیتی گئی اے نوازشریف دے اشتہار لندن دی دو اخباراں وچ شائع کیتے جان۔ لندن دے ڈیلی ٹیلی گراف تے ڈیلی گارجین وچ نوازشریف دا اشتہار جاری کرن دی اجازت دتی جائے۔ واضح رہوے العزیزیہ تے ایون فیلڈ ریفرنس وچ نوازشریف نوں بذریعہ اشتہار طلب کیتا گیا اے تے ایس بارے وفاقی حکومت نے اسلام آباد ہائی کورٹ وچ نوازشریف دے اخباری اشتہار لئی 60ہزار روپے وی جمع کرا دتے۔