لہور: حفیظ سنٹر وچ خوفناک اگ، کئی دکاناں تباہ

لہوور(بھلیکھا ٹی وی )صوبائی دارالحکومت دے علاقے گلبر گ وچ حفیظ سنٹر اندر خوفناک اگ لگ گئی، کئی دکاناں تباہ ہو گیاں جس نال کروڑاں دے نقصان دا خدشہ اے، ریسکیو1122دیاں12گڈیاں تے دو اسنارکل اگ بجھان وچ مصروف نیں۔دسیا گیا اے کہ اگ پلازے دی دُجی منزل اُتے صبح6وجے لگی جس نے ویکھدیاں ہی ویکھدیاں تیجی تے چوتھی منزل نوں وی اپنی لپیٹ وچ لے لیا۔ اگ دے شعلیاں نے دکاناں وچ موجود سامان نوں ساڑ کے سوا کر دتا۔اگ بجھان دا عمل2 گھنٹے بعد شروع کیتا گیا جس دی وجہ متعلقہ عملے دا دیر نال پہنچنا دسیا جا رہیا اے۔پلازے میں واقع دکاناں وچ موبائل فون،کمپیوٹر سمیت الیکٹرانکس سامان موجود اے جو اگ دی شدت ودھن دا سبب بن رہیا اے جدکہ پلازے دی چھت اُتے پئے ہوئے ڈیزل دے ڈرم جیہڑے جنریٹرز لئی استعمال کیتے جاندے نیں، اوہناں نوں وی اگ نے پھڑ لیا۔ ریسکیو دیاں12 گڈیاں تے دو اسنارکل اگ بجھان مصروف نیں لیکن کئی گھنٹے گزر جان دے باوجود اگ دی شدت اُتے قابو نہیں پایا جا رہیا، حکام نے فائر بریگیڈاںہور منگا لیاں ۔