عوام دا ووٹ چوری کیتا گیا، موجودہ حکومت غیر آئینی اے: مولانا فضل الرحمان

نوابشاہ( پنجابی میڈیا گروپ)پی ڈی ایم دے سربراہ مولانا فضل الرحمن نے آکھیا اے کہ عوام اُتے مسلط کیتے جان دی حکمرانی دا تصور ختم ہونا چاہیدا اے، عوام دا ووٹ چوری کیتا گیا، موجودہ حکومت غیر آئینی اے۔نوابشاہ وچ میڈیا نال گل بات کر دیاں مولانا فضل الرحمن دا کہنا سی کہ اج آئین دی حکمرانی دی جدوجہد ہو رہی اے، اک سال پہلاں ملک وچ ملین مارچ وی ہوئے۔ ایہ پاکستان دی بقا دی جنگ اے، پی ڈی ایم دوبارہ الیکشن کران لئی اے۔اوہناں نے آکھیا کہ ملکی صورتحال انتہائی گھمبیر اے، ملک غیر اعلانیہ مارشل دی گرفت وچ اے، سول انتظامیہ فوج دے سربرہواں دے ماتحت اے، کیپٹن صفدر دی گرفتاری ایس گل دا ثبوت اے کہ ملک جمہوریت دے رستے اُتے نہیں۔سربراہ پی ڈی ایم نے ہور آکھیا کہ کراچی وچ آئی جی نوں یرغمال بنان دے معاملے اُتے انکوائری دی ضرورت نہیں، ایکشن ہونا چاہیدا اے۔ استعفیاں دا آپشن موجود اے، دین دی نوبت آئی تیاستعفے دیاں گے۔