15 جنوری تک نواز شریف پاکستان دی جیل وچ ہوں گے: شبلی فراز

اسلام آباد( پنجابی میڈیا گروپ)شبلی فراز نے آکھیا کہ 15جنوری تک نواز شریف پاکستان دی جیل وچ ہوں گے، نواز شریف نوں نہ صرف جیل گھلاں گے بلکہ پیسے وی وصول کراں گے۔
وفاقی وزیر اطلاعات شبلی فراز نے میڈیا نال گل بات کر دیاں آکھیا کہ جلسے ساڈی مرضی دے مطابق ہوئے تو اوچھے ہتھکنڈیاں اُتے اُتر آئے، مریم نواز نے اج متضاد گلاں کیتیاں نیں، اوہناں دے درباری روز جھوٹ بولدے نیں، جھوٹ اوہناں دی گھٹی وچ شامل اے، ایہ جھوٹ نہ بولن تے روٹی ہضم نہیں ہندی، ایہ آپنے آپ نوں سیاست دا شاہی خاندان سمجھدے نیں، اوہناں نے عوام دا پیسہ لُٹیا اے۔
شبلی فراز دا کہنا سی احسن اقبال، شاہد خاقان، خواجہ آصف، رانا ثنااللہ نیب زدہ نیں، اپنے دور وچ نوٹاں نوں عزت دتی۔ ہن آکھدے نیں کہ ووٹ نوں عزت دیو، بینظیر بھٹو شہید دی تصاویر ہیلی کاپٹر توں سُٹن، کیہ اوس وقت چادر چاردیواری دا تحفظ ذہن وچ نہیں سی ؟ اوہناں نے اپنا نمائندہ وی جھوٹ دا ماہر رکھیا ہوئیا اے، جھوٹ بولن والیاں دی گلاں وچ وزن اے نہ عوام بھروسہ کردی اے، جیہڑا خاندان حکمرانی کردا آئے اوہناں دی سیاست ختم ہوگئی، مسلم لیگ ن وچ ونڈ پے گئی اے ۔