موٹروے زیادتی کیس، ملزم شفقت دے جسمانی ریمانڈ وچ 10دن دا وادھا
لہور: انسداد دہشت گردی عدالت موٹروے زیادتی کیس دے مرکزی ملزم شفقت دے جسمانی ریمانڈ وچ 10دن دا وادھا کر دتا۔ انسداد دہشت گردی عدالت وچ موٹروے خاتون زیادتی کیس وچ گرفتار ملزم شفقت دے جسمانی ریمانڈ دی استدعا تے سماعت ہوئی، کیس دی سماعت انسداد دہشت گردی عدالت دے جج ارشد حسین بھٹہ نے کیتی۔ عدالت نے تفتیشی افسر توں پچھیا ہن تک ملزم توں کیہ تفتیش ہوئی اے؟ تفتیشی افسر نے جواب دتا ملزم شفقت توں گڈی دا شیشہ توڑن والا ڈنڈا برآمد کر لیا اے جد کہ ہور تفتیش اجے جاری اے، اجے ملزم توں متاثرہ دے اے ٹی ایم تے نقدی برآمد کرنا اے، ملزم توں ریکوری لئی ملزم دا 15دن دا جسمانی ریمانڈ دتا جائے۔ انسداد دہشت گردی عدالت نے ملزم شفقت دے جسمانی ریمانڈ وچ 10دن دا وادھا کر دتا، عدالت نے دس دن دا وادھا کردیاں ہوئیاں ملزم دی رپورٹ وی طلب کر لئی۔
