دلدار پرویز بھٹی ہوراں دی 26 ویں برسی

اج 30 اکتوبر 2020 دلدار پرویز بھٹی دی 26ویں برسی اے۔ (30 نومبر 1946 توں 30 اکتوبر 1994) جیہڑے کئیں ایوارڈ جتن آلےپاکستان ٹیلیویژن تے ریڈیودے میزبان، کالج پروفیسر تے ٹی وی پروگرام اناونسر ہان۔ اوہناں گورنمنٹ کالج ساہیوال ، گورنمنٹ کالج باغباہورہ لہور تے گورنمنٹ ایم اے او کالج لہور وچ لیکچرار دے طور تے کم کیتا۔ بعدوں اوہناں ریڈیو پاکستان تے پاکستان ٹیلیویژن تے شوز دی میزبانی شروع کردتی۔ دلدار پرویز بھٹی 30 نومبر 1946 نوں پیدا ہوئے۔ اوہناں دی مڈھلی پڑھائی گجرانوالا پاکستان وچ ہوئی۔ سکول تے کالج وچ اوہناں تقریری مقابلیاں چ کئی ٹرافیاں جتیاں۔ انگریزی ادب وچ ایم اے کر کے دلدار پرویز بھٹی گورنمنٹ کالج ساہیوال وچ بطور لیکچرار اپنا کیریر شروع کیتا۔ ہِک سال وچ ای اوہ واپس اپنے گھر شہر لہور آگئے تے گورنمنٹ کالج چ پڑھانا شروع کردتا۔ اوہناں دا دوجا کیرئر انٹرٹیمنٹ انڈسٹری چ ستر دے دھماکے دے شروع وچ ریڈیو پاکستان تو شروع ہویا جتھے اوہ سوہنی دھرتی ناں دے پروگرام دی میزبانی کردے سن۔ ریڈیو تو ٹی وی ول جان وچ زیادہ دیر نہ لگی ۔ اوہناں ٹی وی ڈرامہ سیریز وچ ایکٹنگ تے وی ہتھ سدھا کیتا تے نالے خبراں وی پڑھیاں۔ جلدی ہی اوہناں نوں اندازہ ہویا کہ خبراں پڑھناں یا ایکٹنگ کرنا اوہناں دا کم نہیں تے اوہناں نوں ٹاکرا ناں دے ہک یونیورسٹی چیلنج قسم دے پروگرام دی میزبانی دا موقع مل گیا۔ جیس اوہناں دا ناں گھر گھر اپڑا دتا۔ اوہناں دے وکھرے کمپیرنگ سٹائل تے حاضر دماغی نے اوہناں نوں پاکستان دے اندر تے باہر بہوں مشہور کردتا۔ اوہناں ْٹاکراٗ، ‘یادش بخیر’، ‘جواں فکر’، ‘میلہ’ تے ‘پنجند’ ناں دے ٹی وی ہروگراماں دی میزبانی کیتی۔ اوہناں آپنے دووے کئرئیر چ نال نال چنگی طرحاں چلائے تے کسے نوں وچ پچھے نہیں رہن دتا۔ اوہناں روزانہ کالم وی لکھی تے مختلف اخباراں چ وی کم کیتا۔ اوہناں ‘آمنا سامنا’، ‘دِلداریاں’ تے ‘دلبر دلدار’ ناں دیاں کتاباں وی لکھیاں۔ دلدرار پرویز ہوراں کئیں لائیو انٹرٹینمنٹ شو وی کیتے جاہن ں چ گنی فنکار پیش کیتے۔ جیہناں چ مشہور پاکستانی فنکار آصف جاوید، افشاں بیگم، ترنم ناز، رجب علی، شجاعت علی بوبی، شاہدہ عزیز، شوکت علی، اے نیّر، اخلاق احمد، ثریا خانم، مسعود رانا تے نائس اختر شامل نیں۔ اوہناں پنجابی شاعری وی کیتی تے اپنے پسندیدہ انگریزی شاعراں دے ترجمے تے وی کم کر رہے سن پر جلدی موت پاروں پورا نہ کرسکے۔