غزل

بابا نجمی

تیرے اگے ربا میرا اکو بس سوال
اوکڑ میری حل کرن لئی ٹر پو میرے نال
لیکھاں سڑیاں والی چدّر میرے اُتوں کھچ
مینوں کڈھ ہنیرے وچوں چانن وچ اُچھال
کھلاں لاہ کے کھا جانے آں لکھاں ڈنگر روز
فر وی پیروں ننگے پھردے اس دھرتی دے بال
اک دیہاڑے ایوہناں نے وی جانا چھڈ جہان
دشمن مار کے جہڑے لوکی پاندے پھرن دھمال
جہڑے سانوں بابا نجمی سر نہیں چُکن دیندے
اک دیہاڑے نبڑ لاں گے اوہناں سوراں نال