غزل

یونس بھٹی

ناکارا تے ننگ نظام
بے احساسا سنگ نظام
کورٹ کچہری ہسپتال
ساہ ساہ کیتا تنگ نظام
دفتر سارے لُٹ دا گڑھ
دتا سانوں ونگ نظام
اڈیاں رگڑ کے مردے لوک
انج مارے نیں ڈنگ نظام
ماڑے جتھے ماڑے رہن
دیئے رَل کے ٹنگ نظام
کوئی مرے یا جیوے کوئی
پی کے مست اے بھنگ نظام
چل نہیں سکنا بوہتی دیر
پھڑیا جے انج زنگ نظام
ساڈے لئی ایہ سوکن وانگ
وڈے دی اے منگ نظام
بھٹی پانی جگ نجات
غرق ہویا جس ڈنگ نظام