ملکہ ترنم نورجہاں
سید فراست بخاری
سُر دی ملکہ‘ ملکہ ترنم
ست سُراں دی مٹھی سرگم
مٹھری بولی‘ بولدی سی اوہ
کناں وچ رس گھولدی سی اوہ
میرے دیس دی فنکارہ سی
اداکارہ سی گلوکارہ سی
خالق اوس نوں خوب بنایا
سر سنگیت دا اک سرمایہ
رب نے دتی سوہنی صورت
سب دی اے من موہنی مورت
اوس نے پائی شان و شوکت
عزت شہرت تے دھن دولت
سارے جگ تے اوہ مشہور
اوہدیاں دھماں دور دور
دھمال لنگر نذر نیاز
اوہنے نیتی عشق نماز
اوس دا سوہنا شہر قصور
نور جہاں سی سر سرور
فراستؔ اوہ سی پیاری ہستی
ٹر گئی دے کے سب نوں مستی
اوہدا ناں اے گراں گراں
ملکہ ترنم نور جہاں
