غزل
نصیربلوچ
میں سڑیا بھجیا اندروں میرے سینے سک دی سانگ
پئے اکھاں دے وچ پھولڑے میں بھجیا مکی وانگ
میرے تن تے سیخاں اُگیاں‘ سک لانگی وانگ زبان
میں تیلا تیلا سکیاں میری ککر ورگی چھانگ
میں اپنے گھر چوں ہاریا مینوں سکیاں چھڈیا ویچ
میں گبھرو ساندل بار دا مری ٹوٹے ہو گئی ڈانگ
جے کنڈاں جوڑ کھلوندے میرے دیس دے واسی وان
میں بدلاں وانگر گجدا میں وسدا ساون وانگ
میں پینگھاں پئیاں ویکھدا میں نفرت دیندا ساڑ
میں دیس نوں اچا ویکھدا میرے دل وچ ایہو تاہنگ
مڑ کانگ بنیرے بولدے مڑ پاندا روپ دھمال
مڑ جوبن لشکاں ماردا مڑ بھردا عشق پھلانگ
