غزل

ڈاکٹر جگتار

جد وی ڈگیاں چھتاں، خستہ گھر باراں دی بات تری
رستے وچ دیواراں بنیاں، دیواراں دی بات تری
شیشیاں اندر پھل کھڑ اٹھے، نچیا خون رگاں اندر
میخانے وچ جد جندا دل میکھاراں دی بات تری
ڈبدے ڈبدے دل سمبھلے نے، بجھدے بجھدے دیپ جگے
جد وی تیریاں روشن زلفاں، رخساراں دی بات تری
ویکھیئے کس کس دے دھڑ سر ہے کہڑے سیس وہونے نیں
نگرو نگری، شہرو شہری، پھر داراں دی بات تری
جنگالے ہتھیاراں تائیں، چمکاؤ تیز کرو
مڑ کھیتاں تے کھلیاناں وچ حقداراں دی بات تری
کون آیا ہے مقتل اندر، کمبے ہتھ جلاداں دے
پھر گھر گھر وچ سر لتھاں، جی داراں دی بات تری