غزل

گورچرن کوچر

سجناں دا اج کل دیدار مُشکل ہو گیا
کِنج کراں میں پیار دا اِظہار، مُشکل ہو گیا
ہو گیا سرحد توں جانا پار مُشکل ہو گیا
تن گئی حداں وچالے تار، مشکل ہو گیا
اِک گھڑی تینوں نہ ویکھاں ہوجاں میں حالوں بے حال
بِن تیرے جینا میرے دِلدار، مشکل ہو گیا
موسماں دے وانگ بدلے پیار اِس کل یُگ وِچ
ہُن تاں کرنا پیار تے اِعتبار، مشکل ہو گیا
پُھل توں خوشبو چُرائوندی ہے، ہوا دِن رات ہی
کِنج بچاون خوشبوواں نوں خار، مشکل ہو گیا
نہ نہ کردی وی میں لوکو ہو گئی اُس تے فِدا
کِنج میں کردی پیار توں اِنکار، مشکل ہو گیا
نہ پرندہ، نہ ہوا ہاں، نہ کوئی تیراک میں
ست سمندر تر کے جاواں پار، مشکل ہو گیا