رُت پھُلاں دی
طالب چشتی
لہہ لہہ کردیاں شاخاں پھٹیاں لشکے پتر ساوے
بُوٹا بوٹا نال ہوا دے پیا ہُلارے کھاوے
پھُلاں تے کلیاں نے پائے رنگ برنگے بانے
بُلبل پیار محبت والے چھوئے مست ترانے
کھڑ کھڑ مہکی ساوی دھرتی ہویا روپ سوایا
سوہنیاں سوہنیاں سبز پوشاکاں رُکھاں ویس وٹایا
جھُلے بوہر دھریکاں پپل توتیں کھیڈن چھتاواں
وگ پئے ندیاں دے پانی پے گئی ٹھل دریاواں
چھن چھن چھنکے چوڑا باہیں ہونٹھیں اُگڑی لالی
کھڑ کھڑ یاداں دے پھُل مہکے ساوے پیلے رلے
کجل بھنے تین شنگارے ہنجواں دے وس گھتے
