غزل
طفیل عامر
دل کوک دا‘ اینیں ڈھائیں ماریاں نیں
پنڈ جاندیاں ویکھ بساں لاریاں نیں
اسیں بخت نہ کسے دے ونڈ سکیے
دھیاں ہندیاں بھاویں لکھ پیاریاں نیں
کوئی اک ہندی تے نبڑ وی جاندی
گل اک نہیں گلاں ڈھیر ساریاں نیں
داج دَون دی بھکھ ہتھوں ویکھ یارا
ساڈے بڈھیاں دھیاں وی کنواریاں نیں
ہووے ٹھیک تے ہون کم ٹھیک آپے
ساڈی روح نوں لگیاں بیماریاں نیں
پتھر دل بھرا نرے نہیں ہندے
ڈٹھاں بہناں وی ک کندھاں ایتھے ماریاں نیں
کہڑی ہار تے اج روویں عامراؔ سُن
توں تے جتیاں بازیاں ہاریاں نیں
