نظم
تگڑے کولوں کدے نہ ڈریا
ماڑے دا وی ساتھ نہ چھڈ یا
من دے اندر کھوٹ نہ کوئی
اپنا اندر صاف ہے رکھیا
گل جو کیتی پوری کیتی
لارہ لان دا ول نہ رکھیا
عزت جاوے جس دے پاروں
انج دا کوئی شوق نہ رکھیا
زر دی لالچ ذرہ نہ کیتی
زندگی نوں سادہ تول کے رکھیا
ماں بولی دی سیوا کر کے
اس دا دشمن رول کے رکھیا
افضل طاہر جنت جاوے
رب نے کنڈا کھول کے رکھیا
افضل طاہر
بن تیرے میں عید مناواں کس طراں
روندے دل نوں چپ کراواں کس طراں
نال تہاڈے خشیاں سن سب زندگی وچ
ہن میں ہسدا گھر نوں جاواں کس طراں
افضل گلاں جو وی کہیاں سچیاں سن
ہن اوہناں توں مکھ پرتاواں کس طراں
