طاہر وزیر آبادی دی پہلی برسی اُتے چند اشعار

آپی لنگ اُو پار گیا جے
سانوں چھڈ وچکار گیا جے
ادب دی کھیتی دا سی راکھا
ساڈی کھیتی اُجاڑ گیا جے
لگدا سی اُوس مڑ نہیں آونا
ہو کے انج تیار گیا جے
جاون لگیا دسیا نہیں سو
انج اوہ ساڈا یار گیا جے
ہر کوئی طاہر طاہر کردا
آپو اُڈاری مار گیا جے
اسی اوہنوں کتھوں لبھئیے
ساڈا اج سردار گیا جے
سانوں تے کجھ سمجھ نہیں آوندی
سانوں انجدا مار گیا جے
بن ٹھن کے اوہ آپو ٹریا
ہو کے انج تیار گیا جے
ساڈا لک تروڑ گیا جے
انجدا کر کے وار گیا جے
ہر کوئی ایتھے روندا ڈٹھا
انجدا کرکے پیار گیا جے
ساری حیاتی بُھلنی نہیں جے
سَٹ انج دی اوہ مار گیا جے
حسن دا جانجی اک نہیں طاہر
لبھو کدھر یار گیا جے
فیاض نوں آکھے لالہ لالہ
اج او ہ بازی ھار گیا جے

شریف فیاض وزیر آبادی