رباّ سچیا

فیض احمد فیض

ربا سچیا تْوں تے آکھیا سی
جا اوئے بندیا جگ دا شاہ ایں توں
ساہڈیاں نعمتاں تیریاں دولتاں نیں
ساہڈا نیب تے عالی جاہ ایں توں
ایس لارے تے ٹور کد پْچھیا ای
کیہہ ایس نمانے تے بیتیاں نیں
کدی سار وی لئی اْو رب سائیاں
تیرے شاہ نال جگ کیہہ کیتیاں نیں
کِتے دھونس دھتکار سرکار دی اے
کِتے دھاندلی مال پٹوار دی اے
اینویں وِچہ ہڈاں کلپے جان میری
پولے کھاندیاں وار نہیں آؤندی اے
مینوں شاہی نہیں چاہیدی رب میرے
میں تے عزتاں دا ٹکّر منگناں واں
مینوں تاہنگ نہیں محلاں ماڑیاں دی
میں تے جیونے دی نْکّر منگناں واں
میریاں منّیں تے تیریاں میں منّاں
تیری سونہہ جے اِک وی گل موڑاں
جے ایہہ منگ نہیں پْجدی تَیں ربّا
فیر میں جاواں تے رب کوئی ہور لوڑاں