پہلی نظر
چھندر کور
کنڈیاں دی گرفت وچ رہیا گلاب
ایہناں توں باہر ہو ایہنوں
کھِڑنا نہ آیا ،اج دی شام وی گزر گئی
چھتاں بنیریاں تے چڑھ چڑھ ویکھیا
چن نظریں آیا، ہتھ نہ آیا
اوہدے منن تے نہیں
اوہدے رسن تے لکھی
کوتا ‘چ ودھ نکھار آیا
میرے خط اوہدے تک اپڑدے ای نہیں
تاہیوں نہ اج تک کوئی
جواب پیغام آیا
میں ہن وی اوس نشے چ آں
جے اوہدی پہلی نظر نے پیایا
غم چ گھل گئے اوہ لوک
غم جہناں نوں گھول کے نہ پینا آیا
پنجاں ویلیاں دی نمازی تے نہیں میں
رب دے ہر جیاں چوں پر
رب نظر آیا
