غزل
ڈاکٹر یونس احقر
دنیں راتیں بس ایہو سوچدا تھکاں تے نہ ہاراں
میں رہ کے دور میداناں توں کسراں معرکے ماراں
کویں تخلیق ہوون سچیاں سوچاں دے شہپارے
نہیں ویلا جڑن دیندا ذہن دے نال دل دیاں تاراں
رکی ہوئی ہوا وی اوس نوں جھکھڑ طرحاں لگے
جے کوئی گمیاں اندر وی رکھے تیز رفتاراں
چبارے جھوٹھ دے تے سارے سچے بن کے بیٹھے نیں
اناواں دا ایہ عالم اے کوئی نہیں من دا ہاراں
پچھاناں دا وکھیویں ای جہناں لئی اک وسیلہ نیں
کویں چکن نہ اوہ نویاں توں نویاں روز دیواراں
سماں کوئی وی ہووے اوہ سدا مقبول رہندے نیں
جہناں دے جذبیوں سوچاں دیاں آباد نیں باراں
کسے کلے پکھیرو نوں بغاوت راس نہیں آئوندی
بناں سوچے کدی احقر جے دیون ساتھ نہ ڈاراں
