غزل
محموداعوان
باراں سالاں بعد جے آئی ایں
روون پرانے اتھرو
تاں اُچی اُچی رو
ملنے نوں دل کردا ای تاں
انج مل جیویں پہلی وار ملی سیں
انج بھکھ جس دیاں چنگاں
مینڈے اندر اگاں لاون
مُڑ مُڑ چیتے آئون
نمے نمے تارے جیہڑے
تینڈی کالی چُنی دے وچ
ہولی ہولی ساہ لیندے سن
چن ہوٹھاں تے لاہ لیندے سن
تینڈیاں نیویاں نظراں چُمن
سُفنے اکھیں پھاہ لیندے سن
دل کردا اج راتیں ٹوراں
بارہ سال پچھیرے
اتے رج کے تینوں ویکھاں
جیویں آخری واری ہووے
