غزل
بیراجی
اوکھا ویلا سبھ نے جریا
مویاں دے نال کون اے مریا
کدی نہیں پچدا مال بیگانہ
جتاں وچ جواری ہریا
صندل خشبوواں ونڈ دیندا
آرے دے وچ بھاویں چریا
کھوٹ ہووے جس نیت اندر
اوہدا بُتا کدے نہ سریا
جد تک جندڑی ساہ سلامت
مر کے جثہ پانی تریا
جال چ پھسیا رہندا آپے
جس نے وی پنچھی لئی دھریا
دولت سبھ ایتھے رہ جانی
کفن دا کنہیں بوجھا بھریا
جس کھیتی چوری دا پانی
کدی نہ بدل اوتھے ورھیا
جس اکھ وچ لالچ بیراجی
ڈھڈ کدی نہ اوہدا بھریا
