غزل
شکیل امجد صادق
سوہل حیاتی لکھ سیاپے چیکن لگ پئے
میرے اندر فر اکلاپے چیکن لگ پئے
آپے بیجن والے آپے وَلاں وڈھی جان
واڑاں دے نل لگے چھاپے چیکن پئے
دھیاں امبر ولاّں وانگر ودھدیاں جاندیاں
چھاواں ونڈن والے ماپے چیکن لگ پئے
مچھی آخر پتھر چٹ کے مڑ آندی اے
چھڈ کے جاون والے آپے چیکن لگ پئے
چیر کے کنڈیاں نوں اج گڈی آپے چڑھ گئی
گڈے اوہدے ہتھیں چھاپے چیکن لگ پئے
ورھیاں بعد وی اکھ نے پانی دے وچ رکھیا
جہڑے مدتاں بعد سہاپے چیکن لگ پئے
دل دی وستی دے وچ وکھرا جن ای وسدا اے
جہڑے جہڑے اپنے جاپے چیکن لگ پئے
جہڑے امجد ساڈے رون تے کھڑ کھڑ ہسے
ہسدے ہسدے اج اوہ آپے چیکن لگ پئے
