بھُل جا

خالدحسین تھتھال

بھل جا ویڑھا بابل والا بھل جا اوہ سنگ ڈاراں
بھل جا اوہ ترنجن چرخے بھل جا اوہ گھمگاراں
بھل جا ہن اوہ گہنے چھوپے بھل جا گت پراندے
بھل جا امبڑی دا اوہ ویڑھا بھل جا اوہ گلزاراں
بھل جا جتھے سانبھ سیل کے رکھے چا دلیدے
بھل جا سکھیاں دے سنگ بہہ کے کڈھے جو کسیدے
جو کجھ تینوں یاد اے بھل جا بھل جا اپنا آپ وی بھل جا
جیوں پٹوہلے گڈیاں بھلے جیوں شٹاپو گِدھے
جیوں بھلی اوہ پیڑ تے ویلا کن تیرے جد وِنھے
ایہہ حیاتی ونگاں وانگوں سدا نہ باہیں چھنکے
ٹوٹے ہونی اوڑک سے کوئی بیڑے بن کے
اوڑک ویڑھا بابل والا اک دن چھڈنا پیندا