نعت شریف
شہناز مزمل
اکھاں بند کرکے بہہ جاواں
اندر تیرا ہی پرچھاواں
جے اوہ خاباں وچ مل جاون
رو رو دل دا حال سناواں
اج دی دنیا دے اندر میں
اکھیں ویکھ کے موہرا کھاواں
سجناں نوں ویکھن دے چاء وچ
اوہدے شہر دے چکر لاواں
خود غرضاں وچ گھر کے میں تے
جھولی خالی کردی جاواں
اوہناں دے قدماں وچ بہہ کے
اپنی ہر غلطی من جاواں
جے اوہ وعدا کرن ملن دا
سسی وانگ میں تردی جاواں
سبھ کجھ چھڈ کے سبھ کجھ بھُل کے
عشق نوں اپنے آپ مناواں
