غزل
عمران سلیم
جہدے سارے مخالف اوہ سجن میرا
زمانے توں بڑا وکھرا چلن میرا
بڑا گمنام ساں جگ تے خدا دی سونہہ
مری پہچان بنیا ایں سخن میرا
سجا لئی اے حنا ہتھاں تے وی اوہنے
اجے میلا وی نہیں ہویا کفن دا
جدائی وچ جویں ساری خطا میری
کجھ ایسا ذکر اج کل اوہ کرن میرا
بس ایہدے نال میری آبرو جگ وچ
سدا وسدا رہوے شالا وطن میرا
مقدر وچ جے لکھیا اے تے ہو جانا
کسے تھاں نال تیرے فیر ملن میرا
وفا دی اے طلب جس نوں سلیمؔ آوے
وفاواں نال اج مہکے چمن میرا
