گھگھوگھوڑے
فیاض قرشی
گلی گلی میں ہوکا لاواں ویچاں گھگھو گھوڑے
گھگھو میرا حمد سُناوے گھوڑا ہر تھاں بہوڑے
جگ تے بندیا گورکھ دھندا پھس نہ کدھرے جائیں
تکھیاں ہویاں گل نہیں سرنی جیبھا منہ وچ پائیں
جیہڑے تینوں مونہوں مٹھڑے اوہا اندروں کوڑے
تلکن راہواں پینڈے ماڑو اگانہہ وی گھپ ہنیرا
جگ سیاپیاں جند ہلکوئی جگ تیرا نہ میرا
سانبھ لے سُرتاں قرشی یاراں بھُل جا سارے رولے
گلی گلی میں ہوکا لاواں ویچاں کگھو گھوڑے
گھگھو میرا حمد سُناوے گھوڑا ہر تھاں بہوڑے
