غزل
ڈاکٹر جگتار
کدے ایہہ بے وساہی نہ نگر وچ نہ گراں وچ سی
نہ ایسی ماتمی چپ چاں کدے پہلوں گھراں وچ سی
جدوں دیوار بن کے ساں کھڑے اک دوسرے گرد
نہ اینا حوصلہ، ہمت، دلیری جابراں وچ سی
لہو بھجی بروہاں تے نہیں اخبار سی آؤندی
محبت جد دلاں وچ سانجھ جاں سارے گھراں وچ سی
شکاری خوف کھاندا سی، سدا ناکام سی پھاندی
جدوں رل کے اڈن دی تانگھ ہر اک دے پراں وچ سی
بنا کے شیشیاں دے گھر تے پچھوں ویچنے پتھر
اجیہی چال پہلوں تاں نہیں شیشاگراں وچ سی
نہ لٹے جان دا اک دوسرے نوں دوش ہن دیو
پچھانوں راہ ماراں دا جو سوہیا رہبراں وچ سی
