ماہیا دور گیا

بھپندرپنیوالیا

کیہنوں دِل دا حال سُناواں ماہیا دُور گیا
نِت کوٹھیوں کاگ اُڈاواں ماہیا دُور گیا
لِپ پوچ کے بنیرے میں تاں کوٹھے ٰتے کھڑی نی
جدوں یاد اوہدی آوے نین لاؤندے نے جھڑی نی
کیویں ہوکیاں نوں دِل ٰچ چھُپاواں ماہیا دُور گیا
کیہنوں دِل دا حال سُناواں ماہیا دُور گیا
برِہا دی رات کالیہوندی جاوے لمیری نی
اِکلی میری جان ہُن دُکھاں آن گھیری نی
لُک چھِپ کے وقت ٹپاواں ماہیا دُور گیا
کیہنوں دِل دا حال سُناواں ماہیا دُور گیا
کندھاں ہوئیاں نے اُداس پیا وہڑھا سُنسان نی
جدوں چن میرا آؤ آپے آؤ بُلٍیں مُسکان نی
میں شام سویرے اؤنسیاں پاواں ماہیاں دُور گیا
کیہنوں دِل دا حال سُناواں ماہیا دُور گیا
ماہیا میرا مالِک حقدار میری پریت دا
میرا اِک اِک ساہ رہے اوس نوں اُڈیک دا
اوہدے راہاں ٰچ اکھیاں وِچھاواں ماہیا دُور گیا
کیہنوں دِل دا حال سُناواں ماہیا دُور گیا