سورج
بھپندرپنیوالیا
میرے لئی توں سورج بن جا
سانوں دے دے کِرن اُدھاری
گیت میرے دا مُکھڑا بن جا
جاں کوئی نظم پیاری
روشنیاں نوں سینے لا کے
کھا جا سبھ ہنیرے
لوکی تیرا لوہا منن
گاؤن گُن سبھ تیرے
ظالم لئی توں بِپتا بن جا
کوئی تِکھی تیز کٹاری
میرے لئی توں سورج بن جا
سبھ کُجھ تیرا آپنا ہووے
سبھ دھُپاں سبھ چھاواں
پُوری دھرتی تیرا کھیت بنے
سنے سارے ہی چاواں
سانجھاں دا توں بیج بیجیں
لوکتا دے دِل دی کیاری
میرے لئی توں سورج بن جا
خوشیاں دا اِک دِیوا ہووے
ہووے اٹھے پہر دیوالی
ساری دھرتی چانن ہو جے
رہے بسات نہ کوئی کالی
لم سلمی بتی بن جا، بلے عمر جو ساری
میرے لئی توں سورج بن جا
میرے لئی توں سورج بن جا
سانوں دے دے کِرن اُدھاری
گیت میرے دا مُکھڑا بن جا
جاں کوئی نظم پیاری
