غزل
ملک خوشی محمد
بنا عملوں کجھ نہیں ڈھولنا وے
سوشلزم بھاویں اسلام ہووے
جہنے عمل دا کوئی نہ کم کیتا
ہر کم دے وچ اوہ نکام ہووے
نال عملاں دے خشحالیاں نیں
نال عملاں دے اُچا نام ہووے
اوس ملک نے اگے کیہ ودھنا اے
جس ملک وچ جینا محال ہووے
نوکر شاہی دی ہووے جتھے حکمرانی
جتھے کھلریا غرضاں دا جال ہووے
جتھے ویلھڑاں گھر پئے کنک دانے
جتھے کامیاں دا مندا حال ہووے
جتھے ویلھیاں ہیٹھ چالو ہون کاراں
جتھے کامیاں دے گھر کال ہووے
ایہ گلاں تے سبھے پرانیاں نیں
نویں مشورے کجھ ہو رہے نیں
ایس دیس لئی جنہاں سی لہو دتا
حق ووٹ والا اوہ کھوہ رہے نیں
