غزل
منصور عزمی
کاہدے لئی پائونا ایں جہان اُتے پھیریاں
لنگھ جاندے لوکی ٹَپ مِٹی دیاں ڈھریاں
سبھ کُجھ رہ جانا تیرا اِس جگ تے
کٹھیاں توں کر بھاویں دولتاں ودھیریاں
محل منارے توں نال نئیں لے جاونے
من لے توں جھلیا ایہ گلاں کُجھ میریاں
جھوٹھ سچ بول کے توں بوجھیاں نوں بھرنا ایں
بھُل جاویں گا توں فِر سبھ ہیرا پھیریاں
عزمیؔ جہان اُتے کاہدا رولا پایا ای
رہنیاں نہیں بیبا ایتھے دولتاں ایہہ تیریاں
