نعتاں تیریاں
عبدالحمید نظامی
جد پڑھناں واں نعتاں تیریاں
ہون کرم دیاں جھاتاں تیریاں
یاداں اتھرو تے ہٹکورے
میرے لئی سوغاتاں تیریاں
اوّل آخر ظاہر باطن
واہ واہ ذات صفاتاں تیریاں
آپ بنا کے صدقے ہو کے
رب آکھے کیا باتاں تیریاں
ٹور بلالؓ د ی عر ش تے سن لئی
جگ توں ودھ سماعتاں تیریاں
سوہنیا ! ساڈی بخشش دے لئی
رو رو لنگھیاں راتاں تیریاں
دل نوں وکھری لذت ملد ی
سن کے گلاں باتاں تیریاں
ملے سرو ر نظامی ؔ تائیں
جد کردا اے باتاں تیریاں
