نظـــم
گلفام نقوی
ربا دُکھ دی رات اے کالی
کر دے نظر توں رحمت والی
تیرے سوا کوئی لوڑ نہ ربا
ساتھوں انج مونہہ موڑ نہ ربا
دھرتی نوں انج توڑ نہ ربا
تیرے باجھوں کوئی نہ والی
کر دے نظر توں رحمت والی
بھل کیہ ساتھوں ہوئی رباّ
انج قسمت کیوں سوئی رباّ
بے شک ایہو تیری رضا سی
معصوماں نوں کاہدی سزا سی
بندہ اوگن ہار اے رباّ
پر توں بخشن ہار اے رباّ
خلقت رو رو ہوئی سوالی
کر دے نظر توں رحمت والی
ربا دُکھ دی رات اے کالی
