میخانہ گنج شکرؒ

عبدالحمیدنظامی

کھلا اے میخانہ گنج شکر فرید دا
جگ مستانہ گنج شکر فرید دا
ہر ویلے در اُتے میلہ نت رہندا اے
رب دیاں رحمتاں دا مینہ سدا پیندا اے
رب نال یارانا گنج شکر فرید دا
لکھاں تے ہزاراں آکے فیض ایتھوں پائوندے
ہر اک سوالی اُتے کرم کمائوندے
وسے آستانہ گنج شکر فرید دا
شاہواں نے وی آکے ایس در اُتوں منگیا
ہویا اے بہشتی جیہڑا بوہا تیرا لنگیا
کھلا اے خزانہ گنج شکر فرید دا
جگ دے ولی نے ایتھے حاضری لوائوندے
ایس در اُتے شاہ وی جھولی نے پھیلائوندے
در اے شاہانہ گنج شکر فرید دا
ہند سندھ دکھن پورب پاک پنجاب نے
لہندے تے چڑھدے ایس پتنوں سیراب نے
نظامی وی دیوانہ گنج شکر فرید دا