چڑیا گھر
دلشاداحمد چن
ایہہ جے بچیو چڑیا گھر
جتھے بند گلی جنور
پنجرے وچ بن مانس بند
شیر تے چیتے چاق چوبند
جانوراں دے لگے میلے
بچیاں دے نال ہاتھی کھیلے
ویکھو رنگ برنگے مور
پیلاں پائوندے کردے شور
اونٹھ نیں دو کوہاناں والے
گھوڑے وی نیں شاناں والے
کئی رنگاں دے توتے ویکھے
خچر گھوڑے کھوتے ویکھے
ہرن وی چھالاں ماردے ویکھو
گینڈے نال پیار دے ویکھو
پنچھی تے چوپائے ایتھے
ویکھن لوکی آئے ایتھے
شاہ جنگل دا ببر شیر
بندیاں ہتھوں ہو گیا زیر
رچھ نیں ایتھے بھورے کالے
سپ نیں ایتھے کوڈیاں والے
باراں سنگھے جوڑے جوڑے
چٹے رنگ دریائی گھوڑے
