نعت شریف

اقبال راحت

میرے آقاؐ ماہی مدنی تساں دا پیار چاہنا واں
کرو نظر عنایت آپ دا دیدار چاہنا واں
روضے پاک تے جھکیاں پھُلاں دیاں ڈالیاں ویکھاں
میں ویکھاں سبز گنبد تے سنہری جالیاں ویکھاں
آپؐ دا شہر سوہنا ویکھنا سرکار چاہنا واں
میرے آقاؐ ماہی مدنی تساں دا پیار چاہنا واں
کرو نظر عنایت آپ دا دیدار چاہنا واں
ہاں منگتا آپ دے در دا مینوں خیرات مل جاوے
سنور جائے بخت میرا کرم دی جھات مل جائے
کرو دل شاد میرا آپؐ نوں غمخوار چاہنا واں
میرے آقاؐ ماہی مدنی تساں دا پیار چاہنا واں
کرو نظر عنایت آپ دا دیدار چاہنا واں
ایہ مُکن دوریاں سبھے نہ ہووے ناں کتے غم دا
پیا کھاندا اے غم ایہو بھروسہ نہیں کوئی دم دا
بلاوا جلد آ جاوے میں ایہ اقرار چاہنا واں
میرے آقاؐ ماہی مدنی تساں دا پیار چاہنا واں
کرو نظر عنایت آپ دا دیدار چاہنا واں
کئی سو وار مسجد نبویؐ ویکھن میریاں اکھاں
کراں سجدے خدا دی بارگاہ دے وچ میں لکھاں
میرا چارا بنو سرکارؐ میں لاچار چاہنا واں
میرے آقاؐ ماہی مدنی تساں دا پیار چاہنا واں
کرو نظر عنایت آپ دا دیدار چاہنا واں