نعت رسولؐ مقبول
طاہر وزیر آبادی
نبیاں دے سردار دی گل اے
رب دے سوہنے یار دی گل اے
غاراں دے وچ روون والے
اُمت دے غمخوار دی گل اے
اوہو رب نوں پیارا لگدا
کردا جو سرکار دی گل اے
فقراں دے من وسن والے
کوڑے قول قرار دی گل اے
غوث قطب ابدالاں کیتی
آقاؐ دے افکار دی گل اے
لوبھاں نوں اگ لاون والے
خالق دے منٹھار دی گل اے
شجر حجر وی کلمہ پڑھدے
مدنی دے پرچار دی گل اے
حرف ربانی دا مُل وٹنا
بخشش توں انکار دی گل اے
اوہ نہ نعتاں پڑھ پڑھ ویچے
جس دے اندر پیار دی گل اے
طاہر نوں تے چنگی لگدی
آقاؐ دے دیدار دی گل اے
